മുല്ലപ്പെരിയാര്‍.........ദുര്‍ബലമെന്നു എല്ലാവര്‍ക്കും അറിയാം.രാഷ്ട്രീയ സമ്മര്‍ദ്ദങ്ങളില്‍ എല്ലാവരും മറന്നതാണ്.അല്ല,മറന്നതായി അഭിനയിച്ചതാവണം.മുപ്പതു ലക്ഷം ജനങ്ങളേക്കാള്‍ വലുതാണല്ലോ അധികാരവും അത് തരുന്ന സുഖവും.
മുല്ലപ്പെരിയാര്‍ ........കേരളത്തിന്‌ വേണ്ടത് ആത്മരക്ഷയാണ്.തമിഴ്‌നാടിന് വേണ്ടത് വെള്ളം മാത്രവും.തമിഴ്‌നാടിന് വെള്ളം കൊടുക്കാം.അതിനു കേരളത്തിലെ ലക്ഷങ്ങള്‍ വെള്ളത്തില്‍ മുങ്ങി മരിക്കണമോ?
മുല്ലപ്പെരിയാര്‍........തര്‍ക്കത്തിന് വര്‍ഷങ്ങളുടെ പഴക്കമുണ്ട്.തര്‍ക്കം ഇതിനു മുമ്പേ തീര്‍ക്കാമായിരുന്നു.എല്ലാം കോടതിക്ക് വിട്ടു രക്ഷപ്പെടുന്ന നേതൃത്വമാണ് പ്രതി.നാട്ടുമധ്യസ്തന്മാരുടെ റോള് പോലും നിര്‍വഹിക്കാന്‍ ആരും ഉണ്ടായില്ലല്ലോ?
മുല്ലപ്പെരിയാര്‍.......ഭൂകമ്പം വന്നപ്പോള്‍ എല്ലാവരും ഞെട്ടി.ഞെട്ടി ഉണര്‍ന്നപ്പോള്‍ വേവലാതിയായി.ഇനി തീരുമോ പ്രശ്നങ്ങള്‍?അതോ ഈ വേവലാതിയും നാടകമായിതീരുമോ?അങ്ങനെ ആവാതിരിക്കട്ടെ എന്നാണു പ്രാര്‍ത്ഥന.
മുല്ലപ്പെരിയാര്‍.......ജീവഭയത്തോടെ, ഉണ്ണാനും ഉറങ്ങാനുമാവാതെ കഴിയുന്ന ലക്ഷക്കണക്കിന്‌ മനുഷ്യരോട് ഐക്യദാര്‍ഡ്യം പ്രഖ്യാപിക്കുക.അടിയന്തിരമായി പരിഹാരങ്ങള്‍ കാണുക.അത് വരേ ആരും സങ്കുചിത രാഷ്ട്രീയം കളിക്കാതിരിക്കുക.
മുല്ലപ്പെരിയാര്‍.......അതിവൈകാരികത പരിഹാരമാര്‍ഗത്തെ ദുര്‍ബലപ്പെടുത്തും.അടിയന്തിര പരിഹാരത്തിന് രാഷ്ട്രീയ നേതൃത്വം അര്‍പ്പണബോധത്തോടെ രംഗത്തിറങ്ങണം.തമിഴ്നാടിനോട് പറയുക,നിങ്ങള്ക്ക് വെള്ളം തരാം.ഞങ്ങള്‍ മലയാളിക്കള്‍ക്കു ജീവിതം നിഷേധിക്കരുത്.
