ഖദ്ദാഫിയെ ഞാന്‍ സ്നേഹിച്ചിരുന്നു
ഒരു ഏകാധിപതി എന്ന നിലയില്‍ അല്ല.
അറബ് ദേശീയത ഉയര്‍ത്തിപ്പിടിച്ച ഒരു
ഭരണാധികാരി എന്ന നിലയില്‍.
ഖദ്ദാഫിയെ ഞാന്‍ ഇഷ്ടപ്പെട്ടിരുന്നു.
ഒരു ഏകാധിപതി എന്ന നിലയില്‍ അല്ല.
പാശ്ചാത്യശക്തികള്‍ക്കെതിരെ ധീരനായി നിന്ന
ഒരു പോരാളി എന്ന നിലയില്‍.
ഖദ്ദാഫിയെ ഞാന്‍ ആദരിച്ചിരുന്നു.
ഒരു ഏകാധിപതി എന്ന നിലയില്‍ അല്ല.
നാല് പതിറ്റാണ്ട് ലിബിയയെ നയിച്ഹ
വിപ്ലവകാരി എന്ന നിലയില്‍.
ഖദ്ദാഫിയെ ഞാന്‍ ബഹുമാനിച്ചിരുന്നു.
ഒരു ഏകാധിപതി എന്ന നിലയില്‍ അല്ല.
അധിനിവേശത്തിനെതിരെ പൊരുതിയ
ഒരു യോദ്ധാവ് എന്ന നിലയില്‍
ഖദ്ദാഫിയെ ഓര്‍ത്ത് ഞാന്‍ വേദനിക്കുന്നു
എകാധിപത്ത്യത്തിന്റെ ദുരന്തങ്ങളുടെ
ഇരയായി,വെറുക്കപ്പെട്ടവനായി
ഒറ്റപ്പെട്ടവന്‍ എന്ന നിലയില്‍
ഖദ്ദാഫി ഇന്നെനിക്ക് ഒരു ദുഖമാണ്
ഇതിഹാസജീവിതം നയിച്ച ഒരാള്‍
ലിബിയയുടെ ഗര്‍ജിക്കുന്ന സിംഹം
ഈവിധം ചിത്രവധം ചെയ്യപ്പെട്ടതില്‍.
ഖദ്ദാഫിയുടെ ഏകാധിപത്യത്തിനു
ഇത് പരിഹാരമെയല്ല ഒരിക്കലും
അധിനിവേശശക്തികളുടെ അജണ്ടകള്‍ക്ക്
ലിബിയക്കാര്‍ വിരിച്ചത് ചുവന്ന പരവതാനി.
ഖദ്ദാഫിയുടെ മരണം ഒരു
ഏകാധിപതിയുടെ മരണമല്ല
ലിബിയയുടെ എക്കാലത്തെയും
നായകന്റെ വിട വാങ്ങലാണ്
ഖദ്ദാഫി എന്നെ വേദനിപ്പിച്ചാണ് പോയത്.
ലിബിയയില്‍ പുലരുന്നത് ജനാധിപത്യമല്ല
അധിനിവേശമാണ്,ഇറാഖ് പോലെ,അഫ്ഗാന്‍ പോലെ.
ലിബിയക്കാര്‍ അത് തിരിച്ചറിയും,നാളെ.
No comments:
Post a Comment